Մեր պատմությունը

Այս ամենը չսկսվեց հիմնադրամից։ Տարիներ շարունակ Մարետան աջակից է եղել Դիլիջանի տարբեր նախագծերի ստեղծմանը՝ վերանորոգելով մանկապարտեզներ, կառուցելով մարզական համալիրներ և ստեղծելով այնպիսի տարածքներ, որտեղ ծնվում է համայնքային կյանքը։ Green Rock հիմնադրամը պարզապես պաշտոնապես ամրագրեց այն, ինչն արդեն իրական էր․ մնալու ձգտումը, հոգատարությամբ ինչ-որ բան ստեղծելը, այստեղ ապրող մարդկանց համար ծառայող հնարավորությունների ստեղծումը։

Այս հավատամքն է, որ առաջնորդում է Green Rock-ի բոլոր ծրագրերը։ Սպորտային համալիրն այսօր բաց է ավելի քան 400 երեխայի համար։ Ժողովրդական Արվեստի Պետական Թանգարանի հետ համագործակցությունը պահպանում և խթանում է մշակութային ժառանգությունը՝ մշակույթը, համայնքը և ստեղծարարությունը միավորող կարևոր նախաձեռնությունների միջոցով։ Apicius Armenia-ն ներգրավում է Դիլիջանը հյուրընկալության համաշխարհային համակարգում։ «Meet Dilijan»-ը դարձնում է քաղաքը տեսանելի ոչ միայն որպես զբոսաշրջային ուղղություն, այլև որպես այն վայրը, որտեղ հայերը ընտրում են նշել իրենց կյանքի կարևոր պահերը։

Միայն 2025 թվականին Green Rock Հիմնադրամը կազմակերպել է մոտ 60 միջոցառում, ներգրավել ավելի քան 20,000 մասնակից և գործարկել ծրագրեր՝ «Summer in Dilijan»-ից մինչև «DiliDog City», որոնք բոլորն ուղղված են իրական կարիքների բավարմանը՝ կարևորելով այն ամենն ինչ արդեն կա և առաջնորդելով Դիլիջանին քայլել իր սեփական, յուրօրինակ ապագայի ուղով։

«Ամենաուժեղ արդյունքները գալիս են ունեցածը ուշադիր քննելու արդյունքում», — ասում է Մարետան։ «Երբ ուշադրությունը կենտրոնացած է շարունակական հանձնառության վրա, ոչ թե շտապողականության, էական ու բովանդակալից արժեք է սկսում ձևավորվել»։

Չնայած նրա ջանքերը կենտրոնացած են Դիլիջանի վրա, Մարետան ցանկանում է, որ այս մոտեցումը դառնա օրինակ այլ հայկական քաղաքների համար՝ ցույց տալու, թե ինչպես կարող է մասնավոր ներդրումը փոխել կյանքեր, երբ այն սկսվում է հենց համայնքից, ոչ թե հիմնվում թղթի վրա եղած ծրագրերի կամ նախագծերի վրա։